کراچی :عیدکا مزا تو اپنوں کے ساتھ ہی ہوتا ہے،کراچی سمیت مختلف شہروں سے چلنے والی عید ٹرینیں میٹھی عیدکے مزے دوبالا کرنے کےلیے پردیسیوں کو اپنے گھروں تک پہنچا رہی ہےاور جب آتی ہےعید تو ہرشخص کی خواہش ہوتی ہے کہ خوشیوں کے لمحات پیاروں کے ساتھ منائے جائیں۔
کراچی سے پہلی عید اسپیشل ٹرین آٹھ سو اسی مسافر وں کو لے کر پشاور روانہ ہوئی تاکہ لوگ اپنے پیاروں کے ساتھ عید کی خوشیاں مناسکیں۔اسی طرح کوئٹہ سے بھی عیدٹرین ساڑھے آٹھ سومسافرلے کر پشاور روانہ ہوئی۔ مسافروں کی سیکیورٹی کو یقینی بنانے کے لیےٹرین میں سادہ لباس اہلکار بھی تعینات کیے گئے۔
محکمہ ریلوے نےکراچی سے ریگولر ٹرینوں کے ساتھ تین عید ٹرینیں چلانے کا اعلان کیاہے۔دوسری عید ٹرین آج رات ساڑھے آٹھ بجے راولپنڈی روانہ ہوگی اور تیسری عید اسپیشل ٹرین کراچی سے لاہور جائےگی۔کراچی کی طرح کوئٹہ، پشاور اورسکھر سمیت دیگر شہروں سے بھی پردیسی عید کا مزااہلخانہ کے ساتھ منانے کے لیے گھروں کو جارہے ہیں