کراچی: شہرِ قائد میں دوالگ الگ پولیس مبینہ مقابلوں میں دو دہشتگرد اور دوڈاکو ہلاک کردیئے گئے، لسبیلہ میں سرچ آپریشن، اسٹریٹ کرائم میں ملوث تین ملزمان گرفتار کرلیے گئے۔
پولیس کے مطابق ناردرن بائی پاس کے قریب پولیس اور دہشتگردوں کےدرمیان مڈبھیر ہوگئی، فائرنگ کے تبادلے میں دو مشتبہ دہشتگرد ہلاک ہوگئے۔
پولیس کا کہنا ہے کہ ہلاک دہشتگردوں کا تعلق کالعدم تنظیم تحریکِ طالبان سے تھا، ہلاک دہشتگردوں کے قبضے سے بارودی مواد اوراسلحہ بھی برآمد کرنے کا دعویٰ کیا گیا ہے۔
پولیس کے مطابق ہلاک دہشتگرد تخریب کاری کی کئی وارداتوں میں ملوث تھے۔
دوسری جانب کراچی کے پوش علاقے بوٹ بیسن میں پولیس اور مشتبہ ڈاکوؤں کے درمیان فائرنگ کا تبادلہ ہوگیا، جس کے نتیجےمیں دو ڈاکو ہلاک ہوگئے۔
پولیس کے مطابق ہلاک ڈاکوؤں کے قبضے سے اسلحہ اور موٹر سائیکل برآمد کرلی گئی، پولیس کا کہنا ہےکہ دونوں ڈاکوؤں کی لاشیں مزید کارروائی کےلئے ہسپتال پہنچادی گئیں ہیں۔
رات گئے کراچی کےعلاقے لسبیلہ میں پولیس کے سرچ آپریشن کے دوران متعدد افراد سمیت اسٹریٹ کرائم میں ملوث تین ملزمان کو بھی حراست میں لیا گیا ہے۔
