کراچی:ایم کیو ایم کے قائد الطاف حسین نے کہا ہے کہ حکومت اورفریقین اختلافات اور مطالبات فوری طور پر سنجیدہ مذاکرات سے حل کریں، فوج کو پکار کر اس کی مدد کا طالب بن کر کونسا گناہ کیا؟ انکا کہنا تھا کہ اگر انکے کسی جملے سےکسی کی دل آزاری ہوئی تو وہ معذرت خواہ ہیں۔
ایم کیوایم کے قائدالطاف حسین نے سیاسی، مذہبی جماعتوں اور دانشوروں سے اپیل کی کہ وہ فریقین کو دلائل کے ساتھ سمجھائیں اور ملک کو سیاسی کشمکش کی دلدل سے باہر نکالیں۔
الطاف حسین نے آرمی چیف جنرل راحیل شریف کے نام اپنے چودہ سوالوں کے خط میں بارے میں کہا ہے کہ فوج ہر مظلوم، محروم اور تواتر کے ساتھ زیادتی کا شکار ہونے والوں کیلئے امید کی آخری کرن کی حیثیت رکھتی ہے، بحیثیت پاکستانی وہ فوج کے ادارے کا دل سے احترام اور فوج کی بیش بہا قربانی کے مترادف ہیں۔
الطاف حسین نے کہا کہ اگرکچھ عناصر فوج کی وردی پہن کراس کا تقدس مجروح کرتے ہیں تو ان کی نشاندہی ہر محب وطن کا فرض ہے۔
ایم کیوایم کے قائد کا کہنا تھا کہ ہر دکھ اور تکلیف میں انسان اپنوں کو ہی پکارتاہے، لہٰذ فوج کو پکار کر اور اس کی مدد کا طالب بن کرانہوں نے کوئی گنا نہیں کیا، اگر کسی جملے سے کسی کی دل آزاری ہوئی ہوتو الطاف حسین معذرت خواہ ہیں۔
