تازہ ترین

کنٹونمنٹ بورڈ کے انتخابات کے لئے انتخابی نشان الاٹ کردئیے گئے

اسلام آباد: کنٹونمنٹ بورڈ کے انتخابات کے لئے انتخابی نشان الاٹ کردئیے گئے، پیپلز پارٹی کو تیر، پی ٹی آئی کو بلا اور مسلم لیگ ن کو شیر کا نشان دے دیا گیا ہے۔

ملک بھر میں کنٹونمنٹ بورڈز کے انتخابات کے لئے تیاریاں عروج پر ہیں، جماعتی بنیادوں پر ہونے والے کنٹونمنٹ بورڈ کے انتخابات میں حصہ لینے والی پارٹیوں کو انتخابی نشان الاٹ کردئیے گئے۔

پاکستان مسلم لیگ ن کو شیر، پیپلزپارٹی کو تیر، تحریکِ انصاف کو بلا، جماعت اسلامی کوترازو، ق لیگ کو سائیکل، پاکستان عوامی تحریک کو بالٹی اورعوامی مسلم لیگ کو قلم دوات کا نشان الاٹ کردیا گیا۔

پاکستان عوامی تحریک کے ترجمان کا کہنا ہے کہ بالٹی کا نشان کنٹونمنٹ بورڈ کے انتخابات کے لئے قبول کیا ہے، بلدیاتی اور قومی انتخابات کےلئے جھنڈے کا نشان لیا جائے گا۔

کنٹونمنٹ بورڈ کے انتخابات پچیس اپریل کو ہوں گے۔

Comments

- Advertisement -