تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کوئٹہ:مولانا فضل الرحمان خود کش حملہ میں بال بال بچ گئے

کوئٹہ:مولانا فضل الرحمان پر خود کش حملہ، مولانا کی گاڑی کو شدید نقصان ہوا۔ مولانا فضل الرحمان محفوظ مقام پر پہنچ گئے۔ دھماکے کے نتیجے میں جے یو آئی کے دو کارکن شہید اور تیئس زخمی ہو گئے ۔ کالعدم جند اللہ نے حملے کی ذمے داری قبول کرلی ہے

تفصیلات کے مطابق کوئٹہ میں میکانگی روڈ پر صادق شہید گراؤنڈ میں منعقدہ جے یو آئی (ف)کے زیرِ اہتمام مفتی محمود کانفرنس کے دوران جلسہ گاہ کے باہر زور دار دھماکہ ہوا جس کی آواز دور دور تک سنی گئی  اور متعدد عمارتوں کے شیشے بھی ٹوٹ گئے۔

اطلاعات کے مطابق حملہ خود کش تھا، مولانا فضل الرحمٰن اپنے خطاب کے بعد جیسے ہی جلسہ گاہ سے باہر  نکلے تو خود کش بمبار نے دھماکے سے اُڑالیا، جس سے مولانا کی گاڑی مکمل طور پر پر تباہ ہوگئی، تاہم مولانا فضل الحمٰن خوش قسمتیی سے بال بال بچ گئے۔

اس وقت تک کی اطلاعات کے مطابق ریسکیو ٹیمیں جائے وقوعہ پر پہنچ گئیں اور قانون نافذ کرنے والے اداروں نے علا قے کو گھیرے میں لے لیا۔

Comments

- Advertisement -