کوئٹہ:پہاڑی علاقوں میں ایف سی نے شدت پسندوں کے گِرد گھیرا تنگ کردیا، تفصیلات کے مطابق کوئٹہ میں بولان کے پہاڑی علاقوں میں شدت پسندوں کیخلاف فرینٹئیر کانسٹیبلری (ایف سی ) کا بڑے پیمانے پر سرچ آپریشن جاری ہے۔
کارروائی کے دوران شر پسندوں کے بھاری جانی نقصان کی اطلاعات ہیں۔ بولان کی پہاڑیوں پرایف سی نے بڑے پیمانے پرسرچ آپریشن شروع کردیا ہے۔ آخری اطلاعات تک آپریشن کے دوران ایف سی اور شدت پسندوں کے درمیان فائرنگ کا تبادلہ جاری ہے۔
شدت پسندوں کی جانب سے خود کار آتشی اسلحے اور راکٹ لانچر کااستعمال کیا جارہا ہے۔ آپریشن کے دوران ہیلی کاپٹروں کا استعمال بھی کیا جارہا ہے، ایف سی حکام کا کہنا ہے کہ شدت پسندوں کے خاتمے کیلئے صوبائی حکومت کے احکامات کے تحت آپریشن جاری رہے گا۔
Comments
- Advertisement -
