تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

کوئٹہ میں دھماکہ ، ایف سی اہلکار سمیت3 افراد جاں بحق

کوئٹہ: ایف سی کی گاڑی کے قریب ریموٹ کنٹرول دھماکے میں ایک اہلکار سمیت تین افرادجاں بحق جبکہ چوبیس افراد زخمی ہوگئے ہیں۔

صوبائی دارالحکومت کوئٹہ میں سیٹلائٹ ٹاؤن کے علاقے فاروق اعظم چوک پر دھماکہ صبح سویرے اس وقت ہوا، جب روزانہ دیہاڑی کرنے والے مزدور کام کے انتظار بیٹھے تھے اور ایف سی کی گاڑی معمول کی گشت پر تھی، جونہی ایف سی کی گاڑی پہنچی تو وہاں پہلے سے کھڑی کار میں نصب بارودی مواد زور دار دھماکے سے پھٹ گیا اور افراتفری مچ گئی۔

دھماکے کے نتیجے میں ایک رکشہ اور ایف سی کی گاڑی سمیت تین گاڑیاں تباہ ہوگئیں جبکہ قریب کی عمارتوں کو بھی نقصان پہنچا۔

واقعہ کے بعد سیکورٹی اہلکاروں نے علاقے کو گھیرے میں لے لیا ہے۔

سی سی پی او کوئٹہ نے دھماکے میں ایف سی اہلکار سمیت  تین افراد کے جاں بحق اور چوبیس زخمی ہونے کی تصدیق کردی ہے، جائے وقوعہ سے شواہد اکٹھے کرنے کے بعد تباہ شدہ گاڑیوں کے ملبا ہٹا لیا گیا۔

بم ڈسپوزل اسکواڈ کے مطابق چالیس کلو گرام وزنی ریموٹ کنٹرول بم گاڑی کی ڈگی میں نصب تھا، پولیس مزید تحقیقات کررہی ہے جبکہ وزیراعلیٰ بلوچستان ڈاکٹر عبدالمالک بلوچ کے واقعہ کی مذمت کرتے ہوئے انتظامیہ کو زخمیوں کی بہتر علاج معالجے کی ہدایت کی ہے

Comments

- Advertisement -