لاہور: ہائیکورٹ نے سزائے موت کے پانچ مجرموں کی سزا کیخلاف حُکم امتناعی کی درخواستیں خارج کردیں ہیں، فوجی عدالت کی جانب سے سزائے موت دیئے جانے کا فیصلہ برقرار رکھا۔
لاہور ہائیکورٹ نے فوجی عدالت کی جانب سے سزائے موت پانے والے پانچ دہشت گردوں احسان عظیم،عامر یوسف ،آصف ادریس ،محمد ندیم اور کامران اسلم کی حکم امتناعی کی درخواستیں خارج کردیں، جسٹس ارشد محمود تبسم نے درخواستوں پر محفوظ کیا گیا فیصلہ سُناتے ہوئے فوجی عدالت کی جانب سے سزائے موت دیئے جانے کا فیصلہ برقرار رکھا۔
جسٹس ارشد محمود تبسم نے کہا کے مجرموں کے ڈیٹھ وارنٹ قانون کے مطابق جاری ہوں گے، فوجی عدالت نے بارہ جنوری دوہزار چودہ کو پانچوں دہشت گردوں کو تین حوالداروں ، ایک نائب حوالدار، دو لانس نائیک، صوبیدار اورپوسٹ پر تعینات نسٹیبل کو گجرات کے علاقے چناب پل کے قریب فائرنگ کرکے شہید کیا تھا۔
دس جون دوہزار چودہ کو دہشتگردوں کی تمام اپیلیں مجاز فورم سے مسترد ہوئیں تھیں ۔ مجرم اس وقت کوٹ لکھپت جیل لاہور میں سزائے موت کے منتظر ہیں ۔
