کوہاٹ: محکمہ ایکسائز کی گاڑی پر نامعلوم افراد کی فائرنگ سے کسٹم انسپکٹر سمیت چار ملازم جاں بحق ہوگئے۔
پولیس ذرائع کے مطابق ہنگو روڈ پر گشت کے دوران کسٹم کے اہلکاروں کی گاڑی پر نامعلوم افراد نے فائرنگ کردی، گولیوں کی زد میں آکر کسٹم کے انسپکٹر سمیت چار اہلکار موقع پر ہی دم توڑ گئے۔
جاں بحق اہلکاروں میں کسٹم انسپکٹر عبدالوہاب، شمیم،ہدایت اللہ اورآصف شامل ہیں ، واقعے کے بعد پولیس نے لاشوں کو اسپتال منتقل کیا۔
پولیس کے مطابق فائرنگ کا واقعہ اس وقت پیش آیا جب اہلکار معمول کی چیکنگ کر رہے تھے، تاہم پولیس اور سیکیورٹی فورسز نے علاقے کی ناکہ بندی کر کے ملزمان کی تلاش شروع کر دی ہے ۔
Comments
- Advertisement -