پشاور : خیبرپختونخواہ میں ہونیوالے بلدیاتی انتخابات میں متحدہ قومی موومنٹ کے دس امیدوار بلامقابلہ منتخب ہوگئے ہیں۔
ایم کیو ایم کے جاری کردہ اعلامئے کے مطابق صوبہ خیبرپختونخوا کے بلدیاتی انتخابات میں ایم کیوایم کے نامزد دس امیدوارکابلامقابلہ کامیاب قرار پائے ہیں۔
ضلع ہری پور، ہزارہ یونین کونسل شمالی ہری پور کی جنرل کونسلرکی نشست پرایم کیوایم کے نامزدامیدوارجنید اعوان ،ضلع ہری پورہزارہ یونین کونسل سینٹرل ہری پورکی جنرل نشست پرایم کیوایم کے نامزدامیدواررحمت دین، ضلع صوابی کی یونین کونسل چھوٹالاہورشرقی کی خاتون کونسلرکی نشست ایم کیوایم نامزدامیدوارعتیقہ بلامقابلہ منتخب ہوئیں۔
اسی طرح ضلع صوابی یونین کونسل ٹوپی ون سے خاتون کونسلر کی نشست پرایم کیوایم کی امیدوارواحدہ اورضلع چترال یونین کونسل کریم آبادکی جرنل کونسلرکی نشست پرایم کیوایم کی امیدواربی بی ریحانہ کامیب قرار پائیں۔
ضلع چترال یونین کونسل آئیون کی جنرل کونسلرکی نشست پرایم کیوایم کی نامزدامیدواربی بی گلشن ، ضلع چترال یونین کونسل جنرل کونسلرکی نشست پرایم کیوایم کی نامزد امیدوار آمنہ بی بی نے کامیابی حاصل کی ہے
جبکہ ضلع بنوں کی یونین کونسل شیراحمدخیلون کی جنرل نشست پرعبدالرحمن،یونین کونسل سکیٹری ون کی جنرل نشست پرغلام فرید اوریونین کونسل شیر احمد خیلون کی کسان کونسلر کی نشست پرارشدبلا مقابلہ منتخب قرارپائے ۔
اس طرح ضلع ہری پورہزارہ سے دو،ضلع صوابی سے دو،ضلع چترال اورضلع بنوں سے تین تین امیدوار بلامقابلہ منتخب ہوئے۔
