اسلام آباد: پارلیمنٹ کےایوانِ بالا نے گستاخاکانہ خاکوں کی اشاعت کے خلاف قرارداد منظورکرلی۔
تفصیلات کے مطابق آج بدھ کے روز چیئرمین سینٹ رضاربانی کی زیر صدارت ہونے والےاجلاس میں امریکہ میں شائع ہونے والےگستاخاکانہ خاکوں کے خلاف مذمتی قرارداد متفقہ طورپرمنظورکی ہے۔
قرارداد میں کہا گیا ہے کہ گستاخاکانہ خاکوں کی اشاعت سے دنیا بھرکے مسلمانوں کے جذبات مجروح ہوتے ہیں جن سے دہشت گرد عناصرکو اپنے مقاصد کا حصول آسان ہوجاتاہے۔
قرارداد میں فیصلہ کیا گیا ہے کہ دنیا بھر میں گستاخاکانہ خاکوں کی اشاعت کی روک تھام کے لئے اعلیٰ سطحی اقدامات کئے جائیں گے۔
واضح رہے کہ امریکی ریاست ٹیکساس کے شہرڈلاس میں اتوار کے روز آنحضرت صلی علیہ وآلہ وسلم کے گستاخاکانہ خاکوں کی اشاعت کا اہتمام کیا گیا تھاجس پر دو مسلح افراد نے فائرنگ کردی تھی۔
دونوں حملہ آورپولیس کی جانب سے کی جانے والی جوابی فائرنگ میں ہلاک ہوگئے تھے۔
