گلوکارہ حمیرا ارشد اوراحمد بٹ کے درمیان صلح ہوگئی۔ جس کے بعد حمیراارشد آج خلع کا دعویٰ واپس لینے کے لیے عدالت سے رجو ع کریں گی۔
حمیرا ارشد اوران کے شوہراحمد بٹ کے درمیان گزشتہ کچھ عرصہ سے اختلافات جاری تھے اور حمیراارشد نے احمد بٹ سے علیحدگی کے لیے عدالت میں خلع کا دعوی دائر کر رکھا تھا۔
ذرائع کا کہنا ہے کہ اس دوران حمیراارشد کے بھائی غلام عباس اورسخی سرور نے اہم کردارادا کرتے ہوئے دونوں کے درمیان اختلافات کو ختم کروادیا۔ اس سلسلہ میں باقاعدہ دونوں کے درمیان صلح ہونے کے ساتھ ساتھ ماضی کے تمام اختلافات بھی ختم ہوگئے۔
اس حوالے سے حمیرا ارشد نے کا کہنا تھا کہ میرے مشکل وقت میں بہت سے لوگوں نے میرا بھرپور ساتھ دیا اور خاص طورپرمیڈیا کے چند لوگوں نے تومجھے سپورٹ کرنے کے ساتھ ساتھ صلح میں بھی اہم کردارادا کیا۔
انھوں نے کہا کہ اللہ کا شکر ہے کہ میرے اوراحمد بٹ کے درمیان اختلافات ختم ہوچکے ہیں اوراب میں خلع کا دعویٰ بھی واپس لے رہی ہوں۔
ان کا کہنا تھا کہ مجھے اب اپنے پرستاروں اورقریبی دوستوںکی دعائوں کی ضرورت ہے تاکہ میری آئندہ زندگی ماضی کی طرح خوش وخرم گزرے۔
