گلگت بلتستان: چیف الیکشن کمشنر گلگت بلتستان قانون ساز اسمبلی کےعام انتخابات کے شیڈول کا اعلان کردیا ہے، انتخابات آٹھ جون کو ہوں گے، امیدواروں کی حتمی فہرست کا اعلان سترہ مئی کو ہوگا۔
چیف الیکشن کمشنر جسٹس ریٹائرڈ طاہرعلی شاہ نے گلگت بلتستان کی قانون ساز اسمبلی کےعام انتخابات کے شیڈول کا اعلان کردیا ہے، شیڈول کے مطابق عام انتخابات کیلئے امیدوار چھبیس سے ستائیس اپریل تک کاغذات نامزدگی جمع کراسکتے ہیں۔
کاغذات کی جانچ پڑتال اٹھائیس اپریل سے چار مئی تک ہوگی۔
ٹربیونل کی طرف سے اپیلوں پر حتمی فیصلہ پندرہ مئی کو ہوگا، امیدواروں کی دستبردار ہونے کی آخری تاریخ سولہ مئی ہوگی، امیدواروں کی حتمی فہرست کا اعلان سترہ مئی کوہوگا۔
گلگت بلتستان کے ووٹروں کی تعداد چھ لاکھ سترہ ہزار تین سو پانچ ہے۔
Comments
- Advertisement -
