گلگت: انسدادِ دہشت گردی کے جج نے جیو نیوز کے نمائندے کو توہین عدالت کا نوٹس جاری کر دیا ہے۔
جیو نیوز کے نمائندے کو توہین عدالت کا نوٹس غلط بیانی کرنے پر جاری کیا گیا، جیو نیوز کا نمائندہ گلگت کی انسداد دہشتگردی عدالت میں پیش ہوا، عدالت نے ریمارکس میں کہا کہ چیف کورٹ میں غلط بیان حلفی جمع کرانے سے معزز عدالت کی بدنامی ہوئی۔
جیو نیوز کے نمائندے کا بیان حلفی میں کہنا تھا کہ انسدادِ دہشتگردی کے جج نے مفرور ملزمان کے خلاف درخواست لینے اور سماعت کر نے سے انکار کیا۔
دوران سماعت جیو نیوز کےنما ئندے نے زبا نی طو رپر جج سے معافی مانگی۔ جس کے بعد عدالت نے جیو نیوز کے نمائندے کو نو دسمبر کو تحریری جواب جمع کر انے کا حکم دیتے ہوئے سماعت ملتوی کردی۔
Comments
- Advertisement -
