گوجرانوالہ: گوجرانوالہ کے جناح اسٹیڈیم میں پی ٹی آئی کے جلسے کی تیاریاں مکمل ہوگئیں ہے۔ مسلم لیگ ن اور پی ٹی آئی کے کارکنوں میں کشیدگی کے باعث سیکیورٹی پلان سخت کردیا گیا ہے۔
پی ٹی آئی کی جانب سے تبدیلی کا سفر مختلف شہروں سے ہوتا ہوا آج پہنچے گا گوجرانوالہ میں۔ کسی بھی قسم کی کشیدگی سے بچنے کے لئے سیکیورٹی پلان سخت کردیا گیا ہے۔
داخلی و خارجی راستوں پر چوبیس سی سی ٹی وی کیمرے لگائے گئے ہیں جن کی مانیٹرینگ ڈی سی او آفس میں ہوگی۔ دو ہزار پولیس اہلکار اسٹیڈیم کے اندر ڈیوٹی سرانجام دینگے جبکہ ایلیٹ فورس کی پندرہ گاڑیاں اسٹیڈیم کے باہر گشت کریں گی۔ ایک ہزار پولیس کمانڈوز کوبھی ہائی الرٹ رکھا گیا ہے۔ جلسے میں داخل ہونے کیلئے سات گیٹ بنائے گئے ہیں۔
دوسری جانب علا قے میں کل سے مسلم لیگ نواز اور پی ٹی آئی کے کورکنوں میں کشیدگی کے باعث پولیس نے جلسہ گاہ کے قریب سیکیورٹی سخت کر دی ہے۔
