تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

گورنر سندھ نے لوکل باڈیز بل 2014اور متحدہ کے وزراء کے استعفوں کی منظوری دیدی

کراچی: گورنر سندھ ڈاکٹر عشرت العباد نے سندھ اسمبلی سے پاس شدہ حلقہ بندیوں سے متعلق بل پر دستخط کردیئے ہیں۔

گورنر سندھ نے لوکل باڈیز ترمیمی بل دو ہزار چودہ کی منظوری دے دی ہے، سندھ اسمبلی نے حلقہ بندیوں کے اختیارات الیکشن کمیشن کو دینے کا بل منظور کیا تھا، سندھ لوکل گورنمنٹ ترمیمی بل دوہزار چودہ میں ترمیم کے تحت بلدیاتی حلقہ بندیوں کا اختیار صوبائی حکومت سے الیکشن کمیشن کو منتقل کیا جائے گا۔

بل کے مطابق شہری علاقوں میں حلقہ بندیاں یونین کمیٹی، میونسپل کمیٹی، ٹائون کمیٹی اور میونسپل کارپوریشن کے لحاظ سے ہوگی۔

سپریم کورٹ آف پاکستان نے سندھ سمیت صوبائی اسمبلیوں کو بلدیاتی الیکشن کے لئے حلقہ بندیوں سے متعلق قانون سازی کا حکم دیا تھا، اعلیٰ عدالت نے ایسا نہ کرنے پر وزرائے علیٰ کے خلاف کارروائی کا انتباہ کیا تھا۔

دوسری جانب گورنرسندھ ڈاکٹر عشرت العباد نے متحدہ قومی موومنٹ کے وزراء کے استعفے منظور کرلئے ہیں، عبدالروف صدیقی کے پاس صنعت و تجارت اور ڈاکٹر صغیرکے پاس وزارتِ صحت کا قلمدان تھا۔

گورنرسندھ نے دونوں صوبائی وزراء کے استعفوں پر دستخط کرکے وزیرِاعلی ہاوس بھجوا دیئے ہیں۔

خورشید شاہ کی جانب سے لفظ مہاجر سے متعلق بیان پر ایم کیو ایم اور پیپلز پارٹی میں کشیدگی پیدا ہوگئی تھی، جس کے بعد ایم کیو ایم کے صوبائی وزراء مشیروں اور معاون خصوصی نے استعفیٰ دے دیا تھا۔ صوبائی مشیروں فیصل سبزواری،عادل صدیقی اور معاون خصوصی عبدالحسیب خان کے استعفے پہلے ہی وزیرِاعلیٰ سندھ نے منظور کرلیے تھے۔

Comments

- Advertisement -