میڈرڈ :اسپین نے میڈیا کمپنیوں کے دباﺅ پر آکر ایک نیا قانون بنایااور گوگل سے بھاری رقم ہتھیانے کی کوشش کی لیکن اسپین کو یہ چالاکی مہنگی پڑگئی ۔
گوگل نے اسپین میں اپنی گوگل نیوز سروس بند کرنے کا اعلان کردیا ہے، میڈیا کمپنیوں کا مؤقف تھا کہ گوگل نیوز ان کی خبریں دکھاتا ہے لہٰذا انہیں اس کے بدلے رقم بھی نہیں دیتا۔
دوسری جانب گوگل کا موقف تھا کہ انکی وجہ سے میڈیا کمپنیوں کو صارفین کی بھاری تعداد ملتی ہے، جب اسپینی حکومت نے گوگل کو مجبور کرنے کی کوشش کی تو نتیجتاََ گوگل نے اسپین میں گوگل نیوز ہی بند کردیا ۔
تجزیہ کاروں کا کہنا ہے کہ بھاری رقم کا خواب دیکھنے والی میڈیا کمپنیاں پچھتائیں گی کہ ان کی خبریں مفت چلانے کا ایک بڑا ذریعہ ہاتھ سے نکل گیا۔
Comments
- Advertisement -
