اسلام آباد : چوہدری نثار نے کہا کہ کنٹینر ہٹا کر لاہور ہائی کورٹ کے فیصلے پر عمل درآمد کیا ہے۔
اسلام آباد میں پریس کانفرنس کرتے ہوئے وزیر داخلہ چوہدری نثار کا کہنا تھا کہ جلسے کے حوالے تحریک انصاف کی درخواست مل گئی جبکہ عوامی تحریک نے بھی مارچ کے حوالے سے رابطہ کیا ہے ۔
وزیر داخلہ کا کہنا تھا کہ کنٹینر ہٹا کر لاہور ہائی کورٹ کے فیصلے پر عمل درآمد کیا ہے، چند گھنٹوں میں تحریک انصاف کو مارچ کی مشروط اجازت دے دیں گے۔
چوہدری نثار کا مزید کہنا تھا کہ حکومت کو کسی غیر جمہوری عمل سے اعتراض نہیں ہے، البتہ مارچ میں کسی قسم کا اسلحہ لانے کی اجازت نہیں ہوگی۔
ان کا مزید کہنا تھا کہ ریڈ زون کی سیکورٹی دو گناہ نہیں تین بڑھا دی ہے ، ہمیں پورے پاکستان کے عوام کی سیکورٹی عزیز ہے بلخصوص ہمیں مارچ کے شرکا ء کی سیکورٹی عزیز ہے۔
وزیر داخلہ نے کہا کہ حالات کو دیکھ کر ایسا لگتا ہے کہ مارچ صبح پہنچے گا جس کے بعد کے اسلام آباد اور راولپنڈی کے تمام راستے مکمل طور پر بحال کردیں گے۔
