ہنگو: علاقہ دوآبہ میں سیکورٹی فورسز کی کاروائی کے نتیجے میں بارودی مواد اور خود کش جیکٹس بنانے والے اہم دہشت گرد بصیر گرفتار کرلیا گیا۔
تفصیلات کے مطابق ہنگو کے علاقہ دوآبہ میں سیکورٹی فورسزنے ایک خطر ناک دہشت گرد بصیر کے گھر پر چھاپہ مارا اور بصیر کو گرفتار کرنے کے لئے اس کے گھر کا گھیراو کر لیا۔
دہشت گرد بصیر سیکورٹی فورسز سے بھاگنے کے لئے قریبی پہاڑی کی طرف بھاگا جس پر سیکورٹی فورسز نے اِن کا پیچھا کر کے پہاڑ کو چاروں طرف سے گھیرے میں لیکر بصیر کو گرفتار کر لیا۔
سیکورٹی ذرائع کے مطابق دہشت گرد کمانڈر بصیر خود کش جیکٹس، ریمورٹ کنٹرول بم بارودی سرنگیں بنانے کا ماسٹر مائینڈ بھی ہے زرائع سے معلوم ہوا ہے کہ صوبائی محکمہ داخلہ نے اس کی سر کی قیمت پانچ لاکھ روپے مقرر کی تھی۔
Comments
- Advertisement -
