جرمن شہر ہیمبرگ میں ہزاروں شہریوں نے روٹ فلورا نامی کمیونٹی سینٹر کی بندش کے خلاف شدید احتجاج کیا۔ پولیس مظاہرین کے درمیان تصادم میں بیاسی اہلکاروں سمیت متعدد مظاہرین زخمی ہو گئے۔
مظاہرین روٹ فلورا نامی سماجی مرکز کو دوبارہ کھولنے کا مطالبہ کر رہے تھے۔ بائیں بازو سے متعلق سماجی مرکز کی بندش کیخلاف ہونے والے مظاہرے میں بائیں بازو سے تعلق رکھنے والے ساڑھے چار ہزار سے زائد سیاسی پارٹی کے کارکن اور سات ہزار سے زائد عام شہری شریک تھے۔
پولیس نے مظاہرین کو منتشر کرنا چاہا تاہم مشتعل مظاہرین نے نے پولیس کیخلاف بوتلیں، پتھر اور آتش گیر مادے استعمال کیے جس کے جواب میں پولیس نے مظاہرین کو منتشر کرنے کے لیے آنسو گیس کے شیل، لاٹھی چارج اور واٹر کینن کا استعمال کیا۔
اس دوران پولیس اور مظاہرین میں جھڑپوں کے دوران بیاسی پولیس اہلکاروں سمیت متعدد مظاہرین زخمی ہو گئے۔ مظاہرین نے کئی سپر مارکیٹ اور بینکوں پر بھی حملے کر کے انہیں شدید نقصان پہنچایا۔
