اسلام آباد: یمن کی صورتحال پر پارلیمنٹ کا مشترکہ اجلاس آج چوتھے روز بھی جاری رہے گا، ایوان میں ار کان پارلیمنٹ یمن کی صورتحال پر بحث میں حصہ لیں گے۔
پارلیمنٹ کے مشترکہ اجلاس میں یمن کی خانہ جنگی اور سعودی عرب فوج بھیجنے کے حوالے سے ایوان میں بحث جاری ہے، سعودی عرب فو ج جائیگی یا نہیں سوئی ابتک اسی نقطے پر اٹکی ہوئی ہے۔
تاہم مشترکہ اجلاس میں ابھی تک فوج بھیجنے کے حق میں کوئی ایک تقریر بھی نہیں ہوئی ۔
سینیٹر اعتزاز احسن ،امیر جماعتِ اسلامی سراج الحق، جمعیت العلماء اسلام ف کے سربراہ مولانا فضل الرحمان، اپوزیشن لیڈر خورشید شاہ، غلام احمد بلور، ایم کیو ایم کے رہنماء فاروق ستار سمیت کئی رہنماؤں نے خطاب کیا۔ سب کا مؤقف تھا کہ سعودی عرب فوج نہ بھجوائی جائے بلکہ پاکستان دونوں ممالک میں ثالث کا کرادر ادا کرے۔
کئی رہماؤں نے یہ نقطہ بھی اٹھایا کہ یمن کی جنگ سے سعودی عرب کی سالمیت کو کیا خطرہ ہے حکومت اسکی وضاحت کرے ۔
