اسلام آباد: یوم ِپاکستان کے موقع پروفاقی دارالحکومت میں مسلح افواج کے چاق و چوبند دستوں کی پریڈ شروع ہوچکی ہے۔
تئیس مارچ 140 کو لاہور کے مقام منٹو پارک میں آل انڈیا مسلم لیگ کے سالانہ کنونشن میں قراردادِ پاکستان منظور کی گئی تھی جس کی یاد میں آج کے دن یوم پاکستان منایا جاتا ہے۔
اس موقع پراسلام آباد کو دلہن کی طرح سجایا گیا ہے اورسیکیورٹی کے خصوصی انتظامات کئے گئے ہیں۔
تقریب میں صدرپاکستان ممنون حسین، وزیراعظم میاں نواز شریف، آرمی چیف راحیل شریف اورتینوں مسلح افواج کے سربراہان موجود ہیں۔
یوم پاکستان کے موقع پر سات سال کے تعطل کے بعد پریڈ کا انعقاد کیا گیا ہے اور اس موقع پر شہریوں کا جوش و خروش دیدنی ہے۔
پریڈ میں پہلی بار خواتین دستے بھی تینوں مسلح افواج کے دستوں کے شانہ بشانہ شرکت کریں گے۔
جدیرترین کروز میزائل سمیت پہلی مرتبہ براق ڈرون، ٹینک الضراراورالخالد ٹینک کی نمائش کی جائے گی۔
تینوں افواج کے چاق وچوبند دستے سول اور فوجی سربراہان اورملکی وغیرملکی مہمانان کو سلامی دیں گے۔
