یوکرین: حکومت کا باغیوں سے قیدیوں کے تبادلے کا معاہدہ

کیو: یوکرینی حکومت اورروس نوازعلیحدگی پسندوں نے ایک دوسرے کے ساڑھے تین سو قیدی رہا کرنے پر اتفاق کیا ہے۔

فروری 2014ء میں روس نواز حکومت ختم ہونے کے بعد دونوں اطراف سے 4700افراد جاں بحق ہو چکے ہیں۔

نئی یوکرینی حکومت امریکی اور یورپی اتحاد میں شامل ہونا چاہتی ہے جب کہ باغی گروپ روس کے ساتھ اتحاد چاہتے ہیں۔

یوکرین نیٹو میں شامل ہونے کا عندیہ بھی دے چکا ہے جبکہ باغیوں کی مدد کے الزام پر امریکہ اور یورپی یونین نے روس پر معاشی پابندیاں عائد کی ہیں ، جس سے اسے 40بلین ڈالر کا نقصان ہو چکا ہے۔

Comments