نیویارک: یو ایس ایڈ کے سربراہ راجیو شاہ نے اپنے عہدے سے مستعفی ہونے کا فیصلہ کر لیا ہے، راجیو شاہ تیس جنوری کو اپنے عہدے سے مستعفی ہو جائیں گے۔
بھارتی نژاد امریکی شہری راجیو شاہ گزشتہ پانچ سال سے یو ایس ایڈ کے سربراہ کے طور پر کام کر رہے ہیں اور صدر براک اوباما کی ٹیم کے بہترین بیو روکریٹ سمجھے جاتے ہیں۔
امریکی میڈیا کے مطابق راجیو شاہ کا اگلا قدم کانگریس کی جانب پیش قدمی ہو سکتا ہے،راجیو شاہ کو اس وقت بھی کیوبا میں ایک ناکام پروجیکٹ کا آغاز کرنے پر شدید تنقید کا نشانہ بنایا جارہا ہے، کیوبا میں یو ایس ایڈ کے منصوبے میں انھوں نے ایک نئی سماجی ویب سائٹ کی بنیاد رکھی تھی جس کا مقصد وہاں کے نوجوانوں کو کاسترو حکومت کے خلاف اکھٹا کرنا تھا۔
Comments
- Advertisement -
