لاہور : پیپپلز پارٹی پارلیمنٹیرین کے سربراہ اور سابق صدر آصف علی زرداری نے کہا ہے کہ ڈاکٹرعاصم کا دفاع کیا ہے اور کرتا رہوں گا، ڈاکٹر عاصم کی گارنٹی لیتا ہوں، پیپلزپارٹی بھی ڈاکٹرعاصم کا دفاع کرتی رہے گی۔
آصٓف زرداری نے کہا کہ ڈاکٹر عاصم کو کیا ضرورت تھی کہ وہ دہشت گردوں کا علاج کرتے، ڈاکٹرعاصم کسی کےفرنٹ مین نہیں اور نہ بن سکتے ہیں۔
آصف علی زرداری کا کہنا تھا کہ جمہوریت کو ڈی ریل کرنے کی کبھی کوشش نہیں کی، عزیربلوچ 8 سے9 ماہ پہلےپکڑاگیا،پی پی کا اس سےتعلق نہیں،عزیربلوچ ہمارے دورمیں بھاگا ،ہم نے ریڈوارنٹ نکالے۔
آصف علی زرداری نے کہا کہ اینٹ سےاینٹ بجانےوالی بات غلط اندازمیں پیش کی گئی، عمران خان کے حوالے سے آصف علی زرداری نے کہا کہ عمران خان جب سیاستدان بن جائیں گے تو ساتھ دوں گا۔
انہوں نے کہا کہ ہم نے ہر سیاسی فورس کے ساتھ کام کیا، عمران خان کادھرنےمیں ساتھ نہیں دیا، کیونکہ اس سے جمہوریت ڈی ریل ہورہی تھی۔