The news is by your side.

Advertisement

ظالم چچی نے دو کمسن بچوں کو تڑپا تڑپا کر موت کے گھاٹ اتار دیا

پرتاب گڑھ : بھارت میں سفاک عورت نے رنجش کی بنا پر اپنے دو کمسن بچوں کو موت کے گھاٹ اتار دیا، عدالت نے جرم ثابت ہونے پر ملزمہ کو عمر قید وجرمانے کی سزا سنا دی۔

بھارتی ریاست اترپردیش کے پرتاپ گڑھ ضلع میں گزشتہ روز دو بچوں کی اندوہناک ہلاکت کا واقعہ پیش آیا، جس میں سفاک ملزمہ کرشنا نے اپنے بھتیجے 10سالہ شیوا کانت اوربھتیجی 8سالہ سپنا کو زہر دے کر مار ڈالا۔

پولیس کے مطابق وقوعہ کے روز دونوں بچے اسکول گئے تھے، روزانہ کی طرح اس روز بھی چچی کرشنا نے لنچ باکس تیار کرکے دیا تھا۔ دوپہر میں دونوں بچوں نے کھانا کھایا تو دونوں کی حالت تشویشناک ہوگئی جس پر اساتذہ بچوں کو اسپتال لے جارہے تھے کہ راستے میں ہی دونوں بچوں نے دم توڈ دیا۔

بچوں کے نانا شری ناتھ پٹیل نے پولیس کو بیان دے کر کرشنا پر زہر دے کر قتل کرنے کا الزام عائد کیا، پولیس نے تحقیقات کے بعد ملزمہ کو گرفتار کے مقدمہ درج کیا جس نے دوران تفتیش اپنے جرم کا اعتراف کرلیا، بعد ازاں پولیس نے ملزمہ کو عدالت میں پیش کیا۔

عدالت نے جمعہ کے روز مقدمہ کی سماعت کرتے ہوئے وکلا کے دلائل سننے کے بعد اور ثبوتوں اور شواہد کی روشنی میں جرم ثابت ہونے پر ملزمہ کرشنا کو عمرقید و دس ہزار روپیہ جرمانہ کی سزا سنائی۔

Comments

یہ بھی پڑھیں