راولپنڈی: آسٹریلیا کرکٹ ٹیم کے مایہ ناز آف اسپنر نیتھن لیون نے دورہ پاکستان میں اپنے اہداف بتادئیے۔
تفصیلات کے مطابق ورچوئل پریس کانفرنس نیتھن لیون نے کہا کہ ایشز سیریز میں کامیابی کے بعد آسٹریلوی ٹیم کا مورال بلند ہے تاہم پاکستان کی کنڈییشنز میں ٹیسٹ میچ کھیلنا چیلنجنگ ہوگا۔
نیتھن لیون نے کہا کہ ہرمیچ جیتنے کے لئے جاتے ہیں اور پاکستان سے یہ سیریز تین صفر جیت کر جانا ہمارا ہدف ہے، آف اسپنر نے کہا پاکستان میں چوبیس سال بعد آنے والی ٹیم کا حصہ بننے پر بہت وہ خوش ہیں، امید کر رہے ہیں کہ دورہ پاکستان میں تینوں ٹیسٹ کانٹےدار ہوں گے۔
لیون کا کہنا تھا کہ 2019 کے بعد غیر ملکی سر زمین پر ٹیسٹ میچ کھیلنا چیلنجنگ ہوگا، اس لیے ہم مثبت سوچ کے ساتھ پاکستان کے خلاف میدان میں اتریں گے۔
یہ بھی پڑھیں: آسٹریلیا سے ٹیسٹ، پاکستانی ٹیم کی پنڈی اسٹیڈیم میں پریکٹس
نیتھن لیون نے ورچوئل پریس کانفرنس میں کہا کہ پاکستان میں چوبیس سال بعد آنے والی ٹیم کا حصہ بننے پر بہت خوش ہوں، پاکستان میں کئی سالوں سے انٹرنیشنل کرکٹ نہیں ہو رہی تھی، آسٹریلیا کا پاکستان میں کرکٹ کھیلنا ورلڈ کرکٹ اور پاکستانی کرکٹ مداحوں کے لیے اہم ہے، نہ صرف آسٹریلیا میں بلکہ پاکستان میں بھی آسٹریلوی کھلاڑی کرکٹ کھیل کر ایک رول ماڈل بن سکتے ہیں۔
کینگروز آف اسپنر کا مزید کہنا تھا کہ پاکستان میں خود کو بہت محفوظ محسوس کر رہے ہیں۔