The news is by your side.

Advertisement

کراچی میں خاتون کا قتل، بچی کی لاش کے ساتھ ویڈیو وائرل

شہر قائد کے علاقے منگھوپیر میں قتل کی لرزہ خیز واردات نے کئی سوالات کو جنم دے دیا ہے۔

پولیس ذرائع کے مطابق منگھوپیر ونگی گوٹھ میں پلاٹ سے خاتون کی لاش ملی ہے، خاتون کو تشدد کے بعد گولی مار کر قتل کیا گیا ہے فوری طور پر شناخت نہیں ہوسکی۔

پولیس نے بتایا کہ جائے وقوعہ سے ایک بچی زندہ حالت میں ملی ہے جو کہ خاتون کی لاش کے ساتھ بیٹھی ہوئی تھی، ریسکیو ذرائع نے فوری طور پر بچی کوحفاظتی تحویل میں لیکر پولیس کے حوالے کیا۔

پولیس حکام کا کہنا ہے کہ بچی کہتی ہے کہ پاپا نے مارا ہے، بچی کے بیان پر تفتیش کا آغاز کردیا گیا ہے،حکام نے اسے غیرت کے نام پر قتل کا شبہ ظاہر کیا ہے۔

واقعے کے بعد پولیس نے اطراف کے علاقوں میں سرچ آپریشن کیا تاہم ابھی تک کوئی گرفتاری عمل میں نہیں آسکی ہے۔

Comments

یہ بھی پڑھیں