The news is by your side.

Advertisement

ریچھ کی چوری پکڑی گئی، ویڈیو وائرل

مچھلیوں کے شکار کے بڑا شوقین ریچھ نے پندرہ کلو وزنی پارسل کیوں چوری کیا؟ جان کر آپ بھی حیران رہ جائیں گے۔

میڈیا رپورٹ کے مطابق امریکی ریاست ٹینیسی میں ریچھ نے خاتون کے پورچ سے 33 پاؤنڈ وزنی تقریبا 15 کلو گرام وزنی پارسل چوری کرلیا، شبہ کسی اور پر کیا جاتا، جائے وقوعہ پر موجود سی سی ٹی وی کیمروں نے تمام حرکات ریکارڈ کرلی جس کے نتیجے میں خاتون کو اس کا سامان مل گیا۔

واقعہ کچھ یوں ہے کہ امریکی ریاست ٹینیسی میں ریچھ ٹہلتا ہوا ایک خاتون کے گھر میں داخل ہوا جہاں اس نے کوریئر سروس کی جانب سے گھر کے پورچ میں رکھے پارسل کو سونگھا۔

ویڈیو میں دیکھا جاسکتا ہے کہ ریچھ پارسل پیکج کو سونگھنے کے بعد اپنے ہمراہ کھینچتا ہوا لے گیا، خاتون نے حیران کن واقعے سے متعلق میڈیا کو بتایا کہ میں نہیں جانتی کہ ریچھ کو پارسل کی جانب کس چیز نے راغب کیا؟ کیونکہ اس میں ایسی کوئی چیز نہیں تھی جسے کھانے میں جانوروں کی دلچسپی ہو۔

تاہم خاتون نے بتایا کہ اس پارسل پیکج میں مچھلی کے تالاب کے لیے بوتلوں میں بند کیمیکل تھا، شاید یہی اس پارسل کی چوری کی وجہ بنی ہو۔

Comments

یہ بھی پڑھیں