The news is by your side.

Advertisement

منگھوپیر میں پولیس مقابلہ : تین ڈاکو زخمی حالت میں گرفتار

کراچی : منگھوپیر میں پولیس اور ڈاکوؤں کے درمیان ہونے والے مقابلہ میں بدنام زمانہ ملزمان زخمی حالت میں گرفتار کرلیے گئے، اسلحہ اور موٹرسائیکلیں برآمد کرلی گئیں۔

تفصیلات کے مطابق اینٹی وہیلنگ لفٹنگ سیل (اے وی ایل سی) کی ٹیم نے کراچی کے علاقے منگھوپیر میں موٹرسائیکل لفٹر گینگ سے مقابلے کے بعد تین ملزمان کو گرفتار کرلیا۔

ایس ایس پی اے وی ایل سی بشیربروہی نے میڈیا کو بتایا ہے کہ انتہائی مطلوب ملزم راشد بٹ سمیت 3ملزمان کو زخمی حالت میں حراست میں لیا گیا ہے۔

پولیس کے مطابق گرفتار ملزمان شہر میں موٹرسائیکل لفٹنگ کی درجنوں وارداتوں میں ملوث رہے ہیں، ملزمان سے موٹرسائیکل اور اسلحہ برآمد ہوا ہے۔

ایس ایس پی بشیر بروہی نے بتایا کہ ملزمان نے پولیس پر فائرنگ کرتے ہوئے فرار کی کوشش کی، پولیس کی جوابی فائرنگ سے ملزمان زخمی ہوگئے۔

گرفتار ملزمان راشدبٹ، عدنان اور شاہد سے دو مسروقہ موٹرسائیکلیں اور پستول برآمد کی گئی ہے، ملزم عدنان لاہور پولیس کے ہاتھوں گرفتار ہوکر جیل جا چکا ہے۔

بشیر بروہی کے مطابق راشدبٹ، شاہد اے وی ایل سی کے ہاتھوں پہلے بھی گرفتار ہوچکے ہیں، تینوں ملزمان کا سابقہ مجرمانہ ریکارڈ بھی موجود ہے، ملزمان کے خلاف منگھوپیر تھانے میں مقدمات درج ہیں۔

Comments

یہ بھی پڑھیں