The news is by your side.

Advertisement

یوکرین روس جنگ: چیلسی فٹ بال کلب نے ‘انتہائی اہم’ قدم اٹھالیا

لندن: انگلش فٹبال کلب چیلسی کے روسی مالک رومن ابرامووچ نے روس یوکرین تنازع کے بعد فیفا کی جانب سے عائد پابندیوں کے تناظر میں ٹیم فروخت کرنے کا اعلان کردیا ہے۔

غیر ملکی میڈیا رپورٹ کے مطابق بین الاقوامی شہرت یافتہ فٹ بال کلب ‘چیلسی’ اپنے مالک سے جدا ہونے جارہا ہے، کلب کے روسی مالک رومن ابراہیمووچ یوکرین روس جنگ کے باعث کلب بیچنے پر مبجور ہوگئے ہیں۔

کلب کے مالک کا کہنا تھا کہ یہ فیصلہ انتہائی مشکل ہے،تاہم شائقین،پارٹنرز،ملازمین اور کلب کےحق میں بہترہے، کلب کی فروخت سے حاصل آمدنی سے روس یوکرین جنگ کے متاثرین کی مدد کی جائے گی۔

ذرائع کا کہنا ہے کہ ابراہیمووچ4ارب پاؤنڈ کےعوض کلب فروخت کرنے کےخواہاں ہیں، انہوں نے کلب کی خریداری میں دلچسپی رکھنے والے افراد کے لیے جمعے کی آخری تاریخ مقرر کردی ہے۔

ذرائع کا کہنا ہے کہ یہ قدم بظاہر یوکرین پر روسی حملے کے بعد کلب کو برطانوی حکومت کی طرف سے عائد کردہ کسی بھی پابندی سے بچانے کے لیے اٹھایا گیا ہے۔

واضح رہے کہ سال دوہزار اکیس میں چیلسی نے انگلش پریمیر لیگ چیمپئن مانچسٹر سٹی کو پرتگال کے شہر پورٹو میں ہونے والے فائنل میچ میں 1-0 سے شکست دے کر یوائیفا چیمپئنز لیگ کا ٹائٹل دوسری مرتبہ اپنے نام کیا تھا۔

Comments

یہ بھی پڑھیں