The news is by your side.

Advertisement

ویمنز ورلڈکپ فائنل: آسٹریلیا نے تاریخ رقم کردی

کرائسسٹ چرچ: کینگروز نے یک طرفہ مقابلے کے بعد دفاعی چیمپئن انگلینڈ ویمنز کو شکست دیکر ساتویں بار ورلڈکپ اپنے نام کرلیا۔

تفصیلات کے مطابق آسٹریلیا نے خواتین کرکٹ میں بھی اپنی برتری ثابت کرتے ہوئے دفاعی چمپئن انگلینڈ کو یک طرفہ مقابلے کے بعد 71 رنز سے شکست دیکر آئی سی سی ویمنز ورلڈ کپ چیمپئن کا ٹائٹل اپنے نام کرلیا۔

آسٹریلیا نے میگا ایونٹ کے فائنل میں پہلے بیٹنگ کرتے ہوئے مقررہ 50 اوورز میں انگلش ٹیم کو 356 رنز کا پہاڑ جیسا ہدف دیا، جسے دفاعی چیمپئن حاصل کرنے میں ناکام رہی اور 285 رنز پر آل آؤٹ ہوگئی۔

انگلینڈ کی جانب سے نٹالی سائیور کے 148 ناٹ آؤٹ رنز بھی ٹیم کے کام نہ آسکے۔

آسٹریلیا کی جانب سے ایلانا کنگ اور جیس جوناسن نے تین تین وکٹیں حاصل کیں، الیسا ہیلی کو پلیئرآف دی میچ کے ساتھ ٹورنامنٹ میں 509 رنز بنانے کے لئے پلیئر آف دی سیریز کا بھی ایوارڈ دیا گیا۔

آسٹریلیا ساتویں مرتبہ عالمی چیمپئن بنا، آسٹریلیا نے 1978، 1982، 1988، 1997، 2005، 2013، 2022 میں یہ اعزاز اپنے نام کیا۔

اس سے قبل آسٹریلیا نے پہلے بیٹنگ کرتے ہوئے وکٹ کیپر الیسا ہیلی کی 138 گیندوں پر 170 رنز کی ریکارڈ اور طوفانی اننگ کی بدولت مقررہ 50 اوورز میں 5 وکٹوں کے نقصان پر 356 رنز کا بڑا اسکور ترتیب دیا۔

ہیلی نے اپنی اننگز میں 26 چوکے لگائے، اس کے علاوہ رشیل ہینیس نے 93 گیندوں میں 7 چوکوں کی مدد سے 68 رنز اور بیتھ مونی نے 47 گیندوں میں 8 چوکوں کی مدد سے 62 رنز کی اننگز کھیلی تھی۔

Comments

یہ بھی پڑھیں