The news is by your side.

Advertisement

ڈکیت گروہ کے چار کارندے گرفتار، نامعلوم افراد نے ڈاکٹر پر تیزاب پھینک دیا

لاہور : پولیس نے ڈکیتی اور چوری کی وارداتوں میں ملوث گینگ کے4ملزمان کو گرفتار کرلیا، نواں کوٹ میں نامعلوم افراد ڈاکٹر کے منہ پر تیزاب پھینک کر فرار ہوگئے۔

تفصیلات کے مطابق لاہور میں پولیس نے خفیہ اطلاع پر کامیاب کارروائی کرتے ہوئے ڈکیتی اور چوری کی متعدد وارداتوں میں ملوث گروہ کے چار کارندوں کو گرفتار کرلیا۔

اس حوالے سے پولیس ذرائع کا کہنا ہے کہ گرفتارملزمان میں گینگ کا سرغنہ حارث، احسن، محمد ارسلان اور شرافت شامل ہیں، ملزمان کے قبضے سے10مسروقہ موبائل فون،3موٹرسائیکلیں، نقدی اور ناجائز اسلحہ برآمد ہوا ہے۔

پولیس کے مطابق ملزمان کیخلاف مقدمہ درج کرلیا گیا ہے، گرفتار ملزمان نے ابتدائی تفتیش میں مختلف علاقوں میں متعدد وارداتوں کا انکشاف کیا ہے، مزید تفتیش جاری ہے۔

علاوہ ازیں لاہورکے علاقے نواں کوٹ میں نامعلوم افراد نے ڈاکٹر کے منہ پر تیزاب پھینک دیا جس سے وہ شدید زخمی ہوگئے۔

پولیس حکام کا کہنا ہے کہ ڈاکٹر جاوید نواں کوٹ کے علاقے میں واقع اپنے ہومیو پیتھک کلینک میں موجود تھے کہ اچانک نامعلوم افراد کلینک میں گھسے اور ان پر تیزاب پھینک دیا۔

پولیس کے مطابق واقعے میں زخمی ہونے والے ڈاکٹر کو فوری طبی امداد کے لیے اسپتال منتقل کردیا گیا جب کہ ملزمان واردات کے بعد فرار ہونے میں کامیاب ہوگئے، ان کی گرفتاری کے لیے پولیس کوششیں جاری رکھے ہوئے ہے۔

fb-share-icon0
Tweet 20

Comments

comments

یہ بھی پڑھیں