The news is by your side.

Advertisement

پنجاب ضمنی الیکشن، عمران خان لاہور کب آئیں گے؟ نیا شیڈول تیار

لاہور: پاکستان تحریک انصاف نے پنجاب ضمنی الیکشن کے لئے چیئرمین عمران خان کے شیڈول میں تبدیلی کردی ہے۔

پی ٹی آئی ترجمان عندلیب عباس کی جانب سے جاری بیان میں بتایا گیا کہ پنجاب ضمنی الیکشن میں عمران خان کے جلسوں کا شیڈول تبدیل کردیا گیا ہے، چیئرمین پی ٹی آئی لاہور کے بجائے ساہیوال سے آغاز کرینگے۔

عندلیب عباس نے بتایا کہ چیئرمین پی ٹی آئی چھ جولائی کو ساہیوال میں پہلا جلسے کرینگے، جہاں وہ پی پی پی دو سو دو میں کارکنان کا لہو گرمائیں گے، ساہیوال جلسے کے بعد عمران خان لاہور پہنچیں گے، سات جولائی سے عمران خان شیڈول کے مطابق باقی جلسوں سے خطاب کرینگے۔

واضح رہے کہ عمران خان 7جولائی کوشیخوپورہ کے حلقے پی پی 140 میں ، 8 جولائی کو پی پی 83 خوشاب اور پی پی 7 راولپنڈی میں اور 9 جولائی کو پی پی 125جھنگ میں خطاب کریں
گے۔

یہ بھی پڑھیں: عمران خان پنجاب میں ضمنی انتخابات کے دوران 17 جلسے کریں گے، شیڈول تیار

عید کے دوسرے روز عمران خان پی پی 224 اور 228 لودھراں میں خطاب کریں گے جبکہ 11جولائی کوہی پی پی 272 اور 273 مظفر گڑھ میں ، 12جولائی کوپی پی 90 بھکر اور پی پی 282 لیہ میں عمران خان کا خطاب ہوگا۔

اسی طرح عمران خان 13جولائی کو پی پی127جھنگ اور پی پی97فیصل آبادمیں ، 14جولائی کو پی پی217 ملتان اور پی پی 288 ڈی جی خان میں خطاب کریں گے۔

عمران خان 15 جولائی کو لاہور کے 3 مقامات پر اختتامی جلسوں سے خطاب کریں گے ، جن میں لاہور میں پی پی 167، 168 اور 170 شامل ہیں۔

Comments

یہ بھی پڑھیں