The news is by your side.

Advertisement

سوات کے پہاڑی جنگلات پرخوفناک آتشزدگی 4 جانیں نگل گئیں

ملک کے پُرفضا مقام سوات میں چار مختلف مقامات پر لگنے والے آگ کے باعث تین خواتین سمیت چار افراد جاں بحق ہوگئے ہیں۔

اے آر وائی نیوز کے مطابق سوات کی پہاڑوں پر چار مختلف مقامات پر آگ لگی جس نے دیکھتے ہی دیکھتے تیزی سے پھیلنا شروع کردیا، آگ کی اطلاع ملنے پر مقامی افراد نے اپنی مدد آپ کے تحت آگ بھجانے کی کوشش جاری رکھی ہوئی ہے تاہم آگ پر قابو نہیں پایا جاسکا ہے اور آگ تیزی سے دوسرے جنگلات کی جانب پھیلنا شروع ہوگئی ہے۔

مقامی افراد کے مطابق آگ بریکوٹ، چارباغ کوٹ، کبل سیگرام اور چکیسر کے پہاڑی علاقوں میں لگی تاہم جانی نقصان چکیسر میں ہوا ، جہاں آگ لگنے کے باعث تین خواتین سمیت چار افراد جاں بحق ہوئے۔

یہ بھی پڑھیں: لاہور کے بڑے اسپتال میں خوفناک آتشزدگی، فارمیسی جل کر خاکستر

اے آر وائی نیوز کے مطابق آگ کی شدت کو دیکھتے ہوئے ریسکیو ٹیموں کو جائے حادثے پر بھیج دیا گیا ہے تاہم دشوار گزار راستوں کے باعث ٹیموں کو متاثرہ مقام تک پہنچنے میں دقت کا سامنا ہے، آگ کے باعث بڑے پیمانے پر قیمتی اور پرانے درخت جل کر خاکستر ہوچکے ہیں۔

بھاگٹ بنگلہ جنگلات میں آگ لگ گئی

دوسری جانب صوبہ پنجاب کے ضلع ٹوبہ ٹیک سنگھ کے بھاگٹ بنگلہ جنگلات میں بھی آگ لگ گئی ہے، جس کے نتیجے میں سینکڑوں درخت جل کر خاکستر ہوئے، محکمہ جنگلات پنجاب کی ریسکیو ٹیموں نے جائے حادثے پر تین گاڑیاں بھیج دی ہیں جو آگ بھجانے کے عمل میں مصروف ہیں۔

سول اسپتال جیکب آباد کے آپریشن تھیٹر میں آتشزدگی

اس سے قبل سول اسپتال جیکب آباد کے آپریشن تھیٹر میں بھی آگ لگنے کا واقعہ پیش آیا تھا، جس کے باعث آپریشن کے منتظر مریضوں کو باہر نکال دیا گیا تھا اور تمام آپریشنز کو ملتوی کردیا گیا تھا۔

اے آر وائی نیوز کے مطابق کچھ روز قبل آپریشن تھیٹر سےایئر کنڈیشن سمیت قیمتی سامان بھی چوری
ہوا تھا۔

Comments

یہ بھی پڑھیں