تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

ایران میں‌ خوفناک ٹرین حادثہ، تصاویر نے دل دہلا دئیے

تہران: ایران میں مسافر بردار ٹرین پٹری سے اتر گئی، دلخراش واقعے میں سترہ افراد ہلاک جبکہ متعدد زخمی ہوگئے۔

غیر ملکی میڈیا رپورٹ کے مطابق حادثہ مشرقی ایران میں رونما ہوا، جہاں دارالحکومت تہران سے یزد جانے والے مسافر ٹرین کی چار بوگیاں پٹری سے اتر گئیں، جس کے نتیجے میں کم از کم سترہ مسافر ہلاک جبکہ پچاس سے زائد زخمی ہوگئے۔

یہ بھی پڑھیں: ٹرین اور بس میں خوفناک تصادم، بس جل کر مکمل تباہ

ایرانی میڈیا کے مطابق افسوسناک واقعہ صحرائی شہر تباس سے تقریباً 50 کلومیٹر کے فاصلے پر پیش آیا، یہ علاقہ وسطی شہر کو یزد سے ملاتا ہے، واقعے کی اطلاع ملتے ہی ایمبولینس اور تین ہیلی کاپٹر امدادی کاموں کے لئے جائے حادثے کی جانب روانہ کردئیے گئے ہیں تاہم بتایا جارہا ہے کہ موسمی حالات کے باعث امدادی کاموں میں مشکلات ہیں۔Image

ادھر ریلوے اہلکار نے ایرانی سرکاری میڈیا کو بتایا کہ ٹرین پٹری سے اترنے سے قبل ایک کھدائی کرنے والے ٹرک سے ٹکرائی تھی۔Imageیاد رہے کہ ایران میں دو ہزار چار میں بدترین ٹرین حادثہ رونما ہوا تھا جب پٹرول، کھاد، سلفر اور کپاس سے لدی ایک ٹرین نیشابور کے قریب گر کر تباہ ہو گئی، جس میں تقریباً 320 افراد ہلاک اور 460 زخمی ہوئے تھے، اس واقعے میں پانچ دیہات کو بھی نقصان پہنچا تھا۔

Comments

- Advertisement -