The news is by your side.

Advertisement

سندھ حکومت کا آج 9محرم کو صوبے بھر میں موبائل سروس بند نہ کرنے کا فیصلہ

کراچی: سندھ حکومت نے آج نو محرم کو صوبے بھر میں موبائل سروس بند نہ کرنے کا فیصلہ کیا ہے۔ اس سلسلے میں وفاقی وزارت داخلہ کو مراسلہ ارسال کردیا گیا ہے۔

تفصیلات کے مطابق سندھ حکومت نے نو محرم کو صوبے بھر میں موبائل سروس بند نہ کرنے کا فیصلہ کیا ہے، سندھ میں آج نو محرم الحرام بروز پیر تمام موبائل سروسز کھلی رہیں گی البتہ محرم الحرام کی سیکورٹی خدشات کے پیشِ نظر کسی کسی مقامات پر اس پابندی کا اطلاق ہوگا۔

وفاقی وزرات داخلہ کو بھجوائے گئےمراسلہ میں کہا گیا ہے کہ نو محرم کو موبائل فون ،انٹرنیٹ سروس جزوی بند رہے گی، کراچی میں جلوسوں کے روٹ پر موبائل فون سروس بند رہے گی۔

حیدرآباد، سکھر، میرپورخاص میں سروس جزوی طور پر بند رہے گی، اس کے علاوہ بینظیرآباد اور لاڑکانہ میں بھی سروس جزوی معطل رہے گی۔

ڈی آئی جیز، کمشنرز موبائل سروس بند کرنے کے اوقات اور علاقے کا تعین کریں گے، مراسلہ کے مطابق کمشنر اور ڈپٹی کمشنرز اپنے علاقوں میں سروس بحال بھی کراسکتے ہیں، پی ٹی اے سروس کی بندش کیلئے کمشنرز اور ڈی آئی جیز سے تعاون کرے گا۔

کراچی میں تین دن کیلئے موٹر سائیکل کی ڈبل سواری پر پابندی عائد

واضح رہے کہ سیکورٹی خدشات کے پیشِ نظر کراچی میں 8سے 10 محرم رات بارہ بجے تک موٹر سائیکل کی ڈبل سواری پر بھی پابندی عائد کی گئی ہے۔

محکمۂ داخلہ نے اس سلسلے میں کہا کہ محرم الحرام کی سیکورٹی کے سلسلے میں شہرِ قائد میں تین دن کے لیے موٹر سائیکل کی ڈبل سواری پر پابندی عائد رہے گی۔

Comments

comments

یہ بھی پڑھیں