اسلام آباد: قومی کرکٹ ٹیم کے سابق کپتان راشد لطیف کشمیر پریمیئر لیگ سےمنسلک ہوگئے انہیں اہم عہدے پر تعینات کیا گیا ہے۔
چیف ایگزیکٹو کشمیرپریمیئر لیگ نے میڈیا کو بتایا کہ سابق قومی کپتان راشد لطیف کشمیرپریمیئر لیگ سے منسلک ہوگئے ہیں اور وہ ڈائریکٹر کرکٹ آپریشنز کی ذمہ داری نبھائیں گے،راشد لطیف کیساتھ کئی کرکٹرز بھی کچھ دنوں میں کے پی ایل کاحصہ ہونگے
صدر کے پی ایل نے اس عزم کا اظہار کیا کہ راشد لطیف اپنے تجربے کے باعث کے پی ایل کو شہرت کی بلندیوں پر کے جائیں گے۔
Kashmir Premier League is preparing for the second edition with full swing. Rashid Latif is a new employee, he joined as director of cricket operations. The top management of KPL, Mr. Arif Malik and Mr. Shehzad Akhtar are in talk with top cricketers to get their services too. pic.twitter.com/Cra5Yqct8K
— Shoaib Jatt (@Shoaib_Jatt) May 9, 2022
راشد لطیف نے اپنے ویڈیو پیغام میں کہا کہ کے پی ایل پاکستان کی دوسری بڑی لیگ ہے، پاکستان میں کرکٹ کا جنون ہے خاص طور آزاد کشمیر میں، راشد لطیف نے اس امید کا اظہار کیا کہ آزاد کشمیر کے کھلاڑی جنہوں نے پی سی بی کے زیر اہتمام ٹرائلز دئیے ان کے لئے اپنی کارکردگی دکھانے کا یہ سہنری موقع ہے۔
واضح رہے کہ کشمیرپریمیئر لیگ کا دوسرا ایڈیشن اگست میں کھیلاجائےگا، راولا کوٹ ہاکس پہلے ایڈیشن کی فاتح ہے، جس نے مظفر آباد ٹائیگرز کو شکست دے کر کے پی ایل کی پہلی چیمپئن بننے کا اعزاز حاصل کیا تھا۔