The news is by your side.

Advertisement

انڈونیشیاء، فوجی طیارے کوحادثہ، 13 افراد جاں بحق

جکارتہ : انڈونیشیا میں فوجیوں کے کھانے پینے کی اشیاء لے جانے والا کارگو طیارہ گرکر تباہ ہوگیا، جہاز میں سوار 3 پائلٹ اور 10 فوجی اہلکار جاں بحق ہو گئے ہیں۔

تفصیلات کے مطابق انڈونیشیاء فضائیہ ایئرفورس کا ہرکولس سی 130 طیارہ صوبہ پاپوا میں اپنی منزل کے قریب ہی راستے میں آنے والے پہاڑی علاقے میں گر کر تباہ ہوگیا ہے، طیارے میں فوجیوں کے لیے کھانے پینے کی اشیاء سمیت ضروری سامان منتقل کیا جا رہا تھا، طیارے میں 3 پائلٹ اور 10 فوجی اہلکار سوار تھے۔

برطانوی خبر رساں ادارے کا کہنا ہے کہ ایئرفورس کے چیف آف اسٹاف آگسٹ سپریانتا نے حادثے کی وجہ موسم کی خرابی کو بتایا ہے۔

جب کہ خبر رساں ادارے رائیٹرز سے بات کرتے ہوئے انڈونیشیا کے ادارے سرچ اینڈ ریسکیو آپریشنل کے ڈائریکٹر آئیون احمد رسکی ٹائٹس نے کہا کہ ملبے اور لاشوں کو ومینا منتقل کیا جا رہا ہے، ضروری کارروائی کے بعد میتوں کو ورثاء کے حوالے کردیا جائے گا۔

یاد رہے انڈونیشیاء میں گزشتہ برس جون سے اب تک انڈونیشیئن فضائیہ کے تین بڑے حادثے ہو چکے ہیں جن میں مجموعی طور پر 131 افراد جاں بحق ہو چکے ہیں یہ حادثات سماٹرا جزیرے، سولا ویسی اور گویا کرتا میں پیش آئے اور تینوں حادثات کی وجاہات کا تعین تاحال نہیں کیا جاسکا ہے۔

Print Friendly, PDF & Email

Comments

comments

یہ بھی پڑھیں