سڈنی: آسٹریلیا کے شہر برسبین کے ایک گھر کی بالکونی میں رکھے کرسمس ٹری پر 10 فٹ لمبے سانپ نے قبضہ جما لیا۔
آسٹریلیا سے تعلق رکھنے والی لیانے اپنے گھر پر معمول کی ذمہ داریاں انجام دے رہی تھیں کہ اسی دوران وہ بالکونی میں رکھا پودا دیکھنے گئیں تو اُن کے اوسان خطا ہوگئے۔
لیانے کا کہنا تھا ’’میں نے پودے میں خود ایک بڑا سانپ دیکھا، وہ پرسکون انداز میں بیٹھا تھا مگر مجھے دیکھ کر بہت زیادہ خوف آیا کیونکہ یہ کسی بھی خطرے سے خالی نہیں تھا‘‘۔
Lovely python in our Christmas tree. Glad to see he made the news @Leannie138! #brisbane #snake #python #christmas 🐍🎄 pic.twitter.com/xLBDHklShS
— John Brooks (@JohnBrooks92) December 15, 2019
اُن کا کہنا تھا کہ بالکونی میں جانے سے پہلے میں پرندوں کے پنجرے کو صاف کررہی تھی اور جب یہ منظر دیکھا تو واپس آکر سب سے پہلے تمام پرندوں کو محفوظ جگہ پر منتقل کیا۔
لیانے کا کہنا تھا کہ جب میرا حوصلہ تھوڑا سا بڑھا تو میں نے کیمرہ اٹھایا تاکہ سانپ کی تصویر بناؤں، وہ اس قدر مدہوش تھا کہ ہماری آہٹ تک کو محسوس نہ کرسکا اور ہم نے تصاویر بنا لیں۔
خاتون نے بتایا کہ اژدھا کچھ دیر تو پودے میں بیٹھا رہا اور پھر وہ خود ہی چلا گیا، میں نے کسی بھی سانپ کو پہلی بار اتنی قریب سے دیکھا وہ بہت بڑا اور خوبصورت تھا۔
لیانے کے دوست نے بھی تصاویر ٹویٹ کیں اور لکھاکہ ’مجھے اژدھے کو دیکھ کر خوشی ہوئی کہ اب خبر بن جائے گی‘۔
Our unusual Christmas tree decoration had made the news! Such a stunning animal, glad his pictures have been seen by so many!
Merry Christmas from Australia. 🐍🎄 @abcbrisbane @7NewsBrisbane https://t.co/C6eJz6neq7— Leanne Chapman (@Leannie138) December 15, 2019