کراچی: شہر قائد کے مضافاتی علاقے حب چوکی کے قریب کمپنی میں ہونے والے دھماکے کے نتیجے میں 10 افراد زخمی ہوگئے ہیں۔
ریسکیو ذرائع کے مطابق حب چوکی کے قریب واقع نجی کمپنی میں گیس لیکج کے باعث دھماکا ہوا ہے، دھماکے کے نتیجے میں 11 افراد زخمی ہوئے ہیں۔
ابتدائی اطلاعات کےمطابق واقعے کی اطلاع ملنے پر امدادی ٹیموں نے جائے حادثے پر پہنچ کر زخمیوں کو طبی امداد کے لئے سول اسپتال کراچی کے برنس وارڈ منتقل کردیا گیا ہے، جہاں انہیں طبی امداد دی جارہی ہے۔
ریسکیوحکام کی جانب سے بتایا گیا ہے کہ دھماکے کے فوری بعد کمپنی کی جانب سے دروازے بند کردیئےگئے ہیں اور رضا کاروں کو اندر جانے کی اجازت نہیں دی جا رہی ہے۔
گیس لیکج کے باعث زخمی ہونے والوں کے نام اے آر وائی نیوز نے حاصل کرلئے ہیں، زخمیوں کی شناخت حاصل ولد میر بادشاہ، تنویر ولد مشتاق، ساجد علی ولد حطب علی، ناصر ولد علی خان، محسن ولد حیات، محمد اعظم ولد غلام یاسین، ذوالفقار ولد بلال، صداقت ولد عثمان کے نام سے ہوئی ہے جبکہ تین زخمیوں کی تاحال شناخت نہیں ہوسکی ہے۔
ادھر فیکٹری انتظامیہ کا بھی حادثے سے متعلق موقف سامنے آیا ہے کہ مزدور کام کررہے تھے اچانک وقت دھماکا ہوگیا، دھماکے کی وجوہات جاننے کی کوشش شروع کردی گئی ہیں جبکہ ضلعی انتظامیہ نے بھی وجوہات جاننے کےلیے کارروائی شروع کردی ہے۔
