The news is by your side.

Advertisement

خیبرپختونخوا میں طوفانی بارشوں نے تباہی مچا دی، 10 افراد ہلاک

پشاور: خیبرپختونخوا میں طوفانی بارشوں نے تباہی مچا دی ، اس دوران مختلف حادثات میں 10 افراد ہلاک جبکہ 10 افراد کے زخمی بھی ہوئے۔

تفصیلات کے مطابق خیبرپختونخوا پراونشنل ڈیزاسٹر منیجمنٹ اتھارٹی کی جانب سے بارشوں سے نقصانات کے حوالے سے رپورٹ جاری کی گئی ہے۔

جاری کردہ رپورٹ میں کہا گیا ہے کہ صوبے کے مختلف اضلاع میں تیز ہواؤں کے ساتھ بارش اور لینڈسلائیڈنگ کی وجہ سے 10 گھروں کو بھی نقصان پہنچا ہے۔

ترجمان پی ڈی ایم تیمور خان نے بتایا کہ مختلف حادثات میں اب تک 10 افراد جانبحق ہوئے ہیں جانبحق ہونے والوں میں 3 بچے ایک خاتون اور 6 مرد شامل ہےجبکہ بارشوں سے 10 مکانات کو بھی نقصان پہنچا ہے۔

تیمور خان کا کہنا تھا کہ  چیف سیکرٹری کی خصوصی ہدایت پر ڈائریکٹر جنرل پی ڈی ایم اے اور سیکرٹری ریلیف نے حالیہ بارشوں سے سب سے زیادہ متاثر ہونے والے ایبٹ آباد اور مانسہرہ کا دورہ کیا اور ضلعی انتظامیہ کو امدادی کارروائیاں تیز کرنے کی ہدایات جاری کئے ہیں۔

ترجمان پی ڈی ایم نے مزید بتایا کہ پی ڈی ایم اے کا ایمرجنسی نمبر 24 گھنٹے فعال ہے عوام کسی بھی ناخوشگوار واقعے کی اطلاع 1700 پر کال کرکے دیں تاکہ انتظامیہ بروقت پہنچ کر متاثرہ افراد کی مدد کرسکے۔۔

محکمہ موسمیات کے مطابق خیبرپختونخوا کے مختلف اضلاع میں کل تک بارشوں کا یہ سلسلہ جاری رہنے کا امکان ہے۔

Comments

یہ بھی پڑھیں