The news is by your side.

Advertisement

مٹھڑی کے قریب ٹرک اور وین میں تصادم، 10 افراد جاں بحق

سبی: صوبہ بلوچستان کے شہر مٹھڑی کے قریب ٹرک اور وین میں تصادم کے نتیجے میں 10 افراد جاں بحق ہوگئے۔

تفصیلات کے مطابق بلوچستان کے علاقے مٹھڑی میں ٹرک اور وین میں تصادم ہوا، افسوس ناک حادثے میں 10 افراد جان کی بازی ہار گئے جبکہ 2 افراد زخمی ہوگئے۔

ریسکیو حکام کا کہنا ہے کہ حادثے میں زخمی ہونے والے 2 افراد کو سول اسپتال منتقل کر دیا گیا ہے جہاں انہیں طبی امداد دی جا رہی ہے۔ پولیس حکام کے مطابق حادثے میں جاں بحق ہونے والے افراد میں 2 بچے اور خاتون بھی شامل ہے۔

اس سے قبل گزشتہ روز صوبہ پنجاب کے شہر ساہیوال میں ٹریکٹر ٹرالی اور ٹریلر میں تصادم کے نتیجے میں 2 خواتین جاں بحق جبکہ 25 افراد زخمی ہوگئے تھے۔

بونیر:گاڑی کھائی میں گر گئی، 8 افراد جاں بحق

یاد رہے کہ گزشتہ ہفتے بونیر میں چلندری چغرزئی میں گاڑی کھائی میں گرنے سے 8 افراد جان کی بازی ہار گئے تھے جبکہ 12 افراد زخمی ہوگئے تھے۔

پولیس حکام کا کہنا تھا کہ گاڑی میں سوار افراد شادی میں شرکت کے بعد واپس لوٹ رہے تھے کہ افسوس ناک حادثہ پیش آیا، جاں بحق افراد میں 2 خواتین اور 2 بچے بھی شامل تھے۔

Comments

یہ بھی پڑھیں