غزہ: اسرائیل کی فلسطین پر پانچویں روز بھی وحشیانہ بمباری جاری رہی، اسرائیلی فورسز زمینی اور فضائی حملے کر رہی ہیں، جنوبی غزہ میں صبح سویرے رہائشی عمارت پر بمباری سے خواتین اور بچوں سمیت 10 فلسطینی شہید ہو گئے۔
فلسطینی حکام کے مطابق جمعے کو اسرائیلی فورسز کی جانب سے مغربی کنارے پر حملے میں بھی 11 فلسطینی شہید ہو گئے ہیں، جس کے بعد شہدا کی تعداد 144 ہوگئی، جب کہ 900 سے زائد زخمی ہو چکے ہیں۔
اسرائیلی بم باری کے باعث متعدد عمارتیں ملبے کا ڈھیر بن گئی ہیں، اور 10 ہزار سے زائد فلسطینی بےگھر ہو چکے ہیں، برطانوی نشریاتی ادارے نے غزہ پر صہیونی فورسز کا فضائی حملہ براہِ راست دکھایا۔
📹 من قصف طائرات الاحتلال لمنطقة المواصي غرب محافظة خان يونس. pic.twitter.com/zoN8enZhuU
— وكالة صفا (@SafaPs) May 15, 2021
دوسری طرف اسرائیلی بم باری کے خلاف امریکا، برطانیہ اور جنوبی افریقا میں مظاہرے ہونے لگے ہیں، شکاگو میں فلسطین کے حق میں مظاہرین نے فلک شگاف نعرے بلند کیے، برطانوی شہر مانچسٹر میں اسرائیلی جارحیت کے خلاف احتجاج کیا گیا۔
اسرائیلی بربریت جاری ، غزہ میں فضائی حملوں کے بعد زمینی آپریشن شروع
نیلسن منڈیلا کے پوتے نے اسرائیل میں جنوبی افریقا کا سفارت خانہ بند کرنے کا مطالبہ کر دیا ہے، ادھر اردن فلسطین سرحد پر ہزاروں نوجوانوں جمع ہو چکے ہیں، اور وہ سرحد کھولنے کا مطالبہ کر رہے ہیں۔
خیال رہے کہ حماس کے راکٹ حملوں میں ہلاک ہونے والے اسرائیلیوں کی تعداد 9 ہو گئی ہے، جب کہ غزہ کے شمال مشرقی علاقوں میں اسرائیلی حملوں کے پیش نظر 10 ہزار افراد نقل مکانی کر چکے ہیں۔