The news is by your side.

Advertisement

ملتان : شہری نے گھر میں دس خطرناک ٹائیگرز پال لیے

ملتان کا ایک شہری جس نے اپنے گھر میں 15 شیروں کو پالا ہوا ہے جس میں شیروں کے 5 بچے بھی شامل ہیں۔ شیروں کو گرمیوں میں گرمی سے بچانے کے لیے مالک نے اے سی بھی لگوایا ہوا ہے اور سردیوں میں شیروں کے لیے ہیٹر بھی لگایا جاتا ہے۔

شیخ طاہر نامی شہری نے دس سائبرین ٹائیگرز پال رکھے ہیں ان پالتو شیروں کیلئے خاص قسم کا پنجرہ بھی بنایا ہوا ہے، اے آر وائی نیوز کے پروگرام باخبر سویرا میں شیخ طاہر نے اپنے اس شوق کے بارے میں تفصیلات سے آگاہ کیا۔

شیخ طاہر کا کہنا ہے کہ اپنے ایک دوست کو دیکھ کر مجھے بھی شیر پالنے کا شوق ہوا، جس کے بعد میں نے بھی شیروں کو باہر سے منگوایا ان کو امپورٹ کرنے پر بہت زیادہ خرچہ آیا۔

انہوں نے بتایا کہ اس شیروں کیلئے جو پنجرہ بنایا گیا ہے لوگ اسے دیکھنے دور دور سے آتے ہیں، دراصل یہ پنجرہ نہیں بلکہ ان کیلئے ایسا ماحول بنایا گیا ہے جہاں وہ آسانی اپنی افزائش کرسکیں۔

شیخ طاہر کے مطابق ان شیروں کو یومیہ فی کس 7کلو بیف کھلایا جاتا ہے اس کے علاوہ بھی دیگر جانوروں کا گوشت بھی کھلایا جاتا ہے اور ان کی دیکھ بھال کیلئے ڈاکٹر اور ملازم تعینات کیے گئے ہیں۔ ملک کے مختلف شہروں سے لوگ ان شیروں کو دیکھنے کے لیے آتے ہیں اور پھر ان کے ساتھ تصاویر بھی بناتے ہیں۔

ملتان کے شہری شیخ طاہر نے ان خطرناک شیروں کو گھر میں پال کر یہ ثابت کر دیا کہ اگر خونخوار جانور سے بھی پیار کیا جائے تو انہیں بھی اپنا بنایا جاسکتا ہے۔

Comments

یہ بھی پڑھیں