ممبئی: نیوزی لینڈ کے اسپنر اعجازپٹیل نے اپنی جائے پیدائش کی جگہ پر تاریخی کارنامہ سرانجام دے دیا ہے۔
تفصیلات کے مطابق بھارت اور نیوزی لینڈ کے درمیان ممبئی کے ویکھنڈے اسٹیڈیم میں دوسرا ٹیسٹ میچ کھیلا جارہا ہے، بھارت نے گذشتہ روز ٹاس جیت کر پہلے بیٹنگ کا فیصلہ کیا تھا، آج بھارتی ٹیم میچ کے دوسرے روز 325 رنز بنا کر آل آؤٹ ہوگئی۔
یہ بھی پڑھیں: کوہلی کے متنازع آؤٹ نے نئی بحث چھیڑ دی
اس کے ساتھ ہی نیوزی لینڈ کے اسپنر اعجاز پیٹل تاریخ رقم کرگئے، کیوی اسپنر نے ایک ہی اننگز میں تمام 10 کھلاڑی آؤٹ کردئیے، اس کے ساتھ ہی وہ ٹیسٹ اننگز میں 10 وکٹیں حاصل کرنے والے دنیا کے تیسرے بولر بن گئے۔
اس سے قبل انگلینڈ کےجیمزلیکر اور بھارت کےانیل کمبلےنےاننگز میں 10وکٹیں حاصل کی تھیں،اس کے علاوہ اعجاز پٹیل بھارتی سرزمین پر ایک اننگز میں 10 وکٹیں لینے والے پہلے غیر ملکی بالر بھی بنے۔
اعجاز پٹیل نے 47.5 اوورز میں 119 رنز کے عوض 10 وکٹیں حاصل کیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں