امریکی ریاست وسکونسن میں ایک دس سالہ بچی مردہ حالت میں پائی گئی، پولیس کو بچی کی لاش ایک جنگل سے لاوارث حیثیت میں ملی۔
غیرملکی خبر رساں ادارے کی رپورٹ کے مطابق دس سالہ للی اپنی خالا کے گھر گئی تھی جہاں سے وہ اپنے گھر واپس نہ پہنچ سکی جس کے بعد بچی کے والد نے پولیس سے رابطہ کیا۔
امریکی میڈیا کے مطابق پولیس نے علاقے کی تلاشی لی لیکن للی کہیں نظر نہیں آئی۔ للی کی سائیکل اتوار کی رات اس کی خالہ کے گھر کے قریب پگڈنڈی سے ملی تھی۔
UPDATE: Lily Peters body was found in a wooded area this morning and investigators say her death is being considered a homicide, the Chippewa Police Dept. just reported. pic.twitter.com/rdHMnNzKzO
— NBC15 News (@nbc15_madison) April 25, 2022
مقامی پولیس حکام کا کہنا ہے کہ کافی دیر تلاش کے بعد پارک ویو ایلیمنٹری اسکول کی چوتھی جماعت کی طالبہ الیانا "للی” کی لاش ملی ہے جسے قتل کیا گیا ہے۔
للی اتوار کو اپنی خالہ کے ساتھ ملنے کے بعد غائب ہوگئی تھی پولیس واقعے کی تحقیقات جاری رکھے ہوئے ہے تاہم تاحال کوئی مزید مصدقہ معلومات دستیاب نہیں ہیں۔
پولیس کے تحقیقاتی افسران للی کے دوستوں اور خاندان کے دیگر افراد سے معلومات حاصل کر رہے ہیں، ان کا کہنا ہے کہ بہت جلد صورتحال واضح ہوجائے گی۔
