The news is by your side.

Advertisement

کمسن لڑکی نے ماں سے لڑنے والی خاتون کو گولیاں مار دیں

امریکا میں 10 سالہ لڑکی نے اپنی ماں سے جھگڑا کرنے والی خاتون کو گولیاں مار کر موت کے گھاٹ اتار دیا۔

غیر ملکی میڈیا کے مطابق ریاست فلوریڈا کی ایک خاتون پر جھگڑے کے دوران دوسری خاتون کو قتل کرنے کا الزام عائد کر دیا گیا ہے۔

پولیس کے مطابق 41 سالہ لاشون راجرز اور 31 سالہ لکریشا آئزک کے درمیان کسی بات پر جھگڑا ہوا اور بات ہاتھا پائی تک جا پہنچی۔

پولیس کا کہنا ہے کہ لڑائی کے دوران لکریشا آئزک نے اپنی بیٹی کی جانب بیگ پھینکا جس میں بندوق تھی، لکریشا کی بیٹی نے بندوق نکال کر لاشون راجرز کو دو گولیاں مار کر ہلاک کر دیا۔

فوری طور پر یہ معلوم نہیں ہو سکا کہ دونوں خواتین کے درمیان کس بات پر لڑائی ہوئی تھی اور ان کا ایک دوسرے سے کیا تعلق ہے۔

لکریشا کی بیٹی پر اس وقت کوئی الزام عائد نہیں کیا گیا تاہم ریاستی اٹارنی کا دفتر اس کیس کا جائزہ لے رہا ہے۔ مجرمہ کی 10 سالہ بیٹی اس وقت فلوریڈا ڈیپارٹمنٹ آف چلڈرن اینڈ فیملیز کی تحویل میں ہے۔

Comments

یہ بھی پڑھیں