The news is by your side.

Advertisement

دوستوں کی محبت سے سرشار کم عمر ڈرائیور نے لوگوں کی زندگیاں خطرے میں ڈال دیں

چنیوٹ کا 10 سالہ اصغر دوستوں کی محبت میں چنگچی رکشہ چلا کر انہیں اسکول پہنچانے لگا لیکن کم عمر ڈرائیور نے اپنے ساتھ ساتھ دوسروں کی زندگیاں بھی خطرے میں ڈال دی۔

تفصیلات کے مطابق صوبہ پنجاب کے شہر چنیوٹ میں 10 سالہ اصغر چنگچی رکشہ چلانے لگا۔

یہ چنگچی رکشہ اس کے چچا کا ہے، اصغر اور اس کے دوستوں کو اسکول جانے میں بے حد مشکلات کا سامنا تھا جس کا حل اصغر نے یہ نکالا کہ وہ خود چنگچی چلا کر دوستوں کو اسکول پہنچانے لگا۔

اصغر کا یہ اقدام تو انسانیت اور دوستوں کی محبت کے جذبے سے سرشار تھا، تاہم اس کی اس محبت نے خود اس کے ساتھ دیگر افراد کی زندگیاں بھی خطرے میں ڈال دیں۔

مرکزی سڑک پر تیز رفتار دوڑتی گاڑیوں کے دوران چنگچی چلاتا ننھا اصغر کسی بھی حادثے کا شکار ہوسکتا ہے جس سے نہ صرف اسے بلکہ دوسروں کی جان کو بھی خطرہ ہے۔

اصغر کے والدین، اہل علاقہ اور مقامی پولیس تاحال اس صورتحال سے بے پروا نظر آرہی تھی تاہم اب میڈیا پر خبر نشر ہونے کے بعد اسکول انتظامیہ حرکت میں آگئی ہے۔

Comments

یہ بھی پڑھیں