The news is by your side.

Advertisement

دبئی‘سیّاحوں کے لیے ایک روزہ فری ٹرانسپورٹ کا اعلان

دبئی:متحدہ عرب امارات میں بیس مارچ کو دبئی ہوائی اڈے پر قدم رکھنے والے 100 سیّاحوں کو حکومت کی جانب سے مفت ٹرانسپورٹ سروس فراہم کی جائے گی۔

تفصیلات کے مطابق دبئی حکومت نے 20 مارچ کو منائے جانے والے’خوشی کے دن‘ کے موقع پر دبئی کے عالمی ہوائی اڈے پر قدم رکھنے والے پہلے100 خوش نصیب سیّاحوں کو ایئرپورٹ سے منزل مقصود تک مفت میں ٹیکسی سروس فراہم کی جائے گی۔ سیّاحوں کو ’خوشی بس‘ میں سوار ہوکر دبئی کو دنیا میں ممتاز بنانے والے مقامات پر جانے کی سہولت بھی فراہم کی جائے گی۔

دبئی کے حکام بالا نے بس، ٹرین اور ٹیکسی میں سفر کرنے کے لیے دبئی کے انٹرنیشنل ایئر پورٹ پر پہلے سے ہی کارڈ تقسیم کردیے ہیں۔

بورڈ آف ایگزیکٹو ڈائریکٹر چیئرمین متّر ال طائر کا کہنا تھا کہ متحدہ عرب امارات کی حکومت کا مقصد یو اے ای کی کمیونٹی میں مثبت اقدامات کی اہمیت کو بڑھانا ہےاور حکومتی مراکز کو پالیسیوں، پروگرامز، کے ذریعے خوشحالی مراکز میں تبدیل کرنا ہے۔

ایڈمینسٹریٹو سروس کے سربراہ یوسف الرِدا کہتے ہیں کہ متعدد بسّوں اور ٹیکسیوں پر ہفتہِ خوشی کا نشان بھی لگایا جائے گا۔’نجی تقاریب میں ملازمت پیشہ افراد کے درمیان ایک اچھے پیغام کے ساتھ 1600 چاکلیٹ کین، 2500 فون کارڈز، عوامی بسّوں کے ڈرائیوروں میں کھانے کی اشیاء اور چھ سو واوچر پارکنگ کے لیے تقسیم کیے جائے گیں۔

ان کا مزید کہنا تھا کہ حکام نے ملازمت پیشہ افراد اور خریداروں کے درمیان  14 حصّوں میں ایک تقریب کے دوران انعامات تقسیم کیے جائیں گے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں